– आचार्य प्रभा ( गजल ) 
नेपाली हुँ भन्दा भन्दै देशै डुब्न लाग्यो
नेपालीपन नेपालीको मनैबाट भाग्यो ।
स्वार्थपरता सबैले नै पालेपछी हरे
लडाइँ र बिध्वंशको भोक तिर्खा जाग्यो ।
मधेस पहाड् तेरो मेरो भावनाले गर्दा
हर युवाले परदेशमै आश्रय पो माग्यो ।
अधिकार कर्तब्यलाई सँगै लान्छु भन्दा
पथभ्रष्ट टाउकेले जालसाज टाँग्यो ।
सु-दिनको बाटो सबले कुर्दा कुर्दै आज
लबस्तरा हैकमबादले पापको सिमा नाँघ्यो ।
( रचना – २६/ जुलाइे/ १२ )